Da San Ciascian paia ia la produziun dl’ega minerala plű alalt d’Europa

L’inom chirí fora è scëmpl: “Ega”. Ala se trata de n ega minerala che l’ann passé á ciafé l’aprovaziun dal Ministér dla Sanité. Y che l’iniziadú, Christian Agreiter dla űtia Scotoni, scomenciará tosc da mëte te boza. Le gran mascin é bele arjignada y por mez otober paiarala ia, daimpröma cun 50.000 bozes.

Nia vigni ega é anfat: al é ega y ega

Chëla che rogora fora dla fontana dlungia la űtia Scotoni, sura San Ciascian, tla Val Badia, “é speziala”. De chësch é sigű Christian Agreiter. Che, cun müs ligher, nes cunta de ester deventé te chisc ultims agn n “sommelier dl ega”. Él pö ste le iter por arjunje chësc travert lunch y compliché. Al fô le 2013 canche Agreiter fajô la domanda ala Provinzia de Balsan por la zeriticaziun. Do les analises chimiches y bateriologiches da pert de tecnics por documenté che al ne foss nia infiltraziuns y do i arac de esperc (geologs y injiniers) á la ega ciafé l’ann passé finalmënter la zertificaziun sciöche “ega minerala” da pert dl Ministér talian dla Sanité. “Al é sté n gran laur, ince ajache tla Talia le ciamp dl ega é dër zite por ci che reverda regolamënc y autorisaziuns” dij Agreiter. Che sotrissëia de ester ruvé a chësch punt “giulan a jënt che m’á daidé”.

La gran mascin é bele arjignada te n local aposta tla űtia Scotoni.

L’ega ladina da San Ciascian á tröpes particolarites. La plö coriosa – y cun chëla che an pò fa n bel retlam: ala se trata dl ega minerala che rogor fora “dala funtana plű alalt d’Europa” (2.160 metri). I atri dac: le valur Ph é de 8,11; le rest fis de 87 mg por liter y la temperatöra de 2,9° C – che resta costanta dűt l’ann ince ajache ala sta sot n strat de permafrost.

L’ega ladina sura i cunfins

“Le prozes da la mëte te boza scumenciará tosc” dij le patrun dl Scotoni. “Dan da en valgönes edemes él ruvé adarlerch la gran mascin, che un metű te n salf aposta tla űtia. Döt adűm él ste n bel investimënt”. Agreiter spliga che la produziun anuala ne podará nia superé les 150.000 bozes, él pö l’implant y l’ega te n parch natural, chël de Fanes. “La produziun sará limitada; al sarà la prűma ega ‘nobla’ de Sűdtirol”. Les bozes (vignűna de 750 ml y cun na etichëta particolara dessignada aposta) ciafaran suradöt tla űtia Scotoni. An ciafará ega chita o frizanta. Impò ruvará les bozes “Ega” ince sön les mëses de restoranc. “Suradöt chi da stëres, dla zona, mo ince foradecá. Sun en contat cinamai cun cliënc dal Australia”.

Les bozes de “Ega”.

Na domanda resta: él pa l’ega dla funtana sura San Ciascian tan bona? “Sce”, assigurëia l’ostì dl Scotoni. “Tla Talia pon dì che cuaji vigni ega te boza é bona, porimpó depënn la bunté de n ega da tröc faturs y dai gusć dles porsones”. Y Christian Agreiter mëss le savëi. Él pö ince “idrosommelier”, n espert zertifiché tl ciamp dles eghes minerales.

Scrite ite tl canal Telegram!  👉🏻  https://t.me/altoadigeinnovazione

Chilò sun sön Facebook 👉🏻  https://www.facebook.com/altoadigeinnovazione

Y ince Linkedin 👉🏻  https://www.linkedin.com/company/alto-adige-innovazione