Le bariton da La Val Andrè Schuen firma cun la Deutsche Grammophon

Elmar Burchia
FacebookTwitterLinkedInWhatsAppEmail

Talënc foradecá: öna dles plö importantes etichëtes musicales, la Deutsche Grammophon, á anunzié la “firma esclusiva” cun un di ciantadus plü importanc a livel internazional, Andrè Schuen. Na noela relevanta tl ciamp tla tlassica. Le ladin da La Val tol pert chësc isté al festival de musiga y de teater plü conesciü, i Salzburger Festspiele.

La pröm album da d’aisciöda

La musiga á tres albü na gran valüta tla familia Schuen da La Val. Canche al fo pice, Andrè Schuen acompagnâ bele cun le cello les döes sorus Marlene y Elisabeth che sonâ la vidora. La ligrëza y la pasciun por la musiga á davert a Andrè tröpes portes. Y le suzes – chël internazional – é gnű soradűt da defora. Le prüm album cun la renomada Deutsche Grammophon gnará publiché la proscima aisciöda. Ala se trata dla registraziun “Die Schöne Müllerin” de Schubert; spo saral le turnus di albums “Winterreise” y “Schwanengesang”, dagnëra de Schubert. La registraziun dl toch “Ungeduld” dl opera “Die Schöne Müllerin” é gnüda publicada ai 7 de agost tla verjiun digitala sciöche pert dla lignora tlamada Musical Moments dla Deutsche Grammophon che presënta composiziuns nöies interpretades dai musizisc de musiga tlassica plö importanc al monn.

 

Iscriviti al canale Telegram!  👉🏻   https://t.me/altoadigeinnovazione

Seguici su Facebook  👉🏻   https://www.facebook.com/altoadigeinnovazione/

Seguici su Linkedin  👉🏻   https://www.linkedin.com/company/alto-adige-innovazione/

 

“Andrè è n artist demorvëia”

“Al é n gran plajëi podëi ti dé le bëgngnü a Andrè tl etichëta ghela” á dit Clemens Trautmann, presidënt de Deutsche Grammophon. Che á sotrissé: “Andrè é n musizisc demorvëia, cun en anima artistica che baia diretamënter ales emoziuns”. Da pert sűa á le artist badiot de 37 agn splighé che “al è n gran onur fa pert de chësta familia”. “I crëi che sëgn él na gran fan por le cianté y por l’opera y por les cosses che chëstes pò ofrì al spirit dla porsona”. Andrè Schuen é al momënt n artist dër damané tl monn dl opera y sciöche conzertist. La renomada plata internet “Opera Today” á alzé fora la sűa “inteliënza y sensibilité” dl cianté Lieder.

Tla pert de Guglielmo ai Salzburger Festspiele

Do le diplom tl Mozarteum a Salzburg tl 2010, la critica á laldé Schuen sciöche un di pűc ciantadus aparis te trëi perts tl medem tëmp: Figaro, Don Giovanni y Guglielmo dles operes de Mozart-Da Ponte al Theater an der Wien. I proscims apuntamënc de Schuen sarà ai 12, 15 y 18 de agost sön paladina a Salzburg, por i Festspiele, y te na produziun operistica nöia. Ara se trata de “Così fan tutte” de Wolfgang Amadeus Mozart. Y le Guglielmo de chësta comedia musicala vëgn cianté propri dal bariton da La Val.

Ti potrebbe interessare