Tempesta Vaia: le lignan rosedé a Corvara devënta mebli IKEA

FacebookTwitterLinkedInWhatsAppEmail

Dan Vaia, do Vaia: al é passé feter dui agn canche, ala fin de otober dl 2018, la forza dl vënt de Vaia á porté destruziun ti bosch de dűt Sűdtirol. Tla Val Badia él gnű rosedé feter 150 mile cubich de lignan, le 15% di dangs tla Provinzia de Balsan, y les dimenjiuns é impormó gnüdes a löm cun le deleghé dla nëi. La domanda che tröc se á fat: ci fa cun dűt chël lignan? Le colos svedesc dl aredamënt a bas prisc IKEA le tolará por fa mebli dla serie BILLY.

Le lignan tomé sura Corvara gnará adoré por fa mebli dla serie BILLY. (ph: Ikea)

Al n’é nia saurì se desmentié de Vaia ala fin d’otober 2018, la gran tempesta che á rosedé milesc y milesc de cubich de lignan. Soradűt ti comuns dl’alta Val Badia, á la gran tempesta scarzé sö bindebó de plaies tla contrada. Tres ciamó vëgnel lauré te bosch por comedé la ferida de Vaia y chëla lasciada l’ann do de novëmber dala gran nëi. Les problematiches por lauré sö le lignan, la manutenziun y le ressanamënt di dagns ai trus é granes. Ince ajache nia dűc ó chël lignan, en pert gnanca plö da adoré. Adarlerch él gnű la gran aziënda internazionala IKEA, che á comuniché de orëi sfruté na pert dl lignan tomé tla zona de Ciaulunch sura Corvara por fa mebli – plö avisa porteles TRÄARBETARE dla famoja libraria BILLY, inventada tl 1979 y venűda sura dűt le monn te deplö modei y corusc. Le inom vëgn da Billy Liljedahl, che chi agn se cruziâ dla publizité por IKEA.

Ecomo sciöche Vaia á mudé la contrada de nosc daciasa. (ph: Eurach Research)

Na pert de ci che gnará trat ite dala venűda dl ediziun limitada de BILLY (BILLY libraria 80x28x202 ros lominus; BILLY libraria 40x28x202 ros lominus; TRÄARBETARE portela 60×64 ros lominus) jará a sostëgn dl proiet de recualificaziun y remboscamënt “Compostiamoci Bene”. Ala se trata de na iniziativa che fej pert dl proiet nazional “Mosaico Verde” de Legambiente y AzzeroCO2. Tla zona sura Corvara gnaral senté ite danű feter 4000 lëgns.

Scrite ite tl canal Telegram!  👉🏻  https://t.me/altoadigeinnovazione

Sun ince sön Facebook 👉🏻  https://www.facebook.com/altoadigeinnovazione

Y Linkedin 👉🏻  https://www.linkedin.com/company/alto-adige-innovazione

Ti potrebbe interessare