Le prűm “Ladinia Day” tl Ciastel da Bornech: chësc é le program

Conties, poejies, cursc de ladin. Y spo: műjiga, referac y jűc por i plö pici. Sce n’és nia da fa, la sabeda ai 15 de agost (dales 11 daduman inant) va in scena tl MMM Ripa tl Ciastel da Bornech le prűm “Ladinia Day” – olache i ladins se mostra.

Tl cheder dla sajun espositiva 2020 dl MMM Ripa de Reinhold Messner él da odëi tl Ciastel da Bornech (cina la fin de setëmber) les operes de passa 30 artisć dales valades ladines, na mostra coletiva (dal titul “Ester Ladins”) che zelebrëia i 60 agn dla lia Ert por i Ladins (chilò nosc articul). N avenimënt dër particolar él söl program en Santa Maria dal Ciűf, en feragost: le “Ladinia Day”, o Dé dla Ladinia.

Le Ciastel da Bornech cun le museum MMM Ripa: tl lingaz tibetan “ri” sta por munt y “pa” por porsona.

Al sarà n ocajiun atraënta por se mostré, por ste adűm, por festejé. Y ince por se dé jö cun l’identité y la patria – chëla ladina sambëgn. L’apuntamënt, sciöche dit, sarà fora dles valades ladines, plö avisa tl Ciastel da Bornech – na cité che á n lian strënt cun i badioc e i maroi. Le program è rich y trata aspec culturai y ludics. Por i mituns ne mancel gnanca val da fa.

Iscriviti al canale Telegram! 👉🏻  https://t.me/altoadigeinnovazione

Seguici su Facebook 👉🏻  https://www.facebook.com/altoadigeinnovazione/

Seguici su Linkedin 👉🏻  https://www.linkedin.com/company/alto-adige-innovazione/

Eco le program: 

11:00 Matinée Martina Iori Quintet

13:00 Daurida

14:00 Tanna, la regina dei Crodères (Clara Mazzi)

15:00 Mini curs de ladin – ladin dla Val Badia (Ulrike Frenademez – Istitut Ladin Micurá de Rü)

15:00 Auturs ladins: poesies (Christian Ferdigg – Uniun di Ladins Val Badia)

16:00 Mini curs de ladin – ladin de Fascia (Evelyn Bortolotti – Istitut Cultural Ladin Majon di Fascegn)

17:30 Storia dei Ladini delle Dolomiti (Werner Pescosta – Istitut Ladin Micurá de Rü)

20:00 Reinhold Messner cunta dla Ladinia

21:00 Presentaziun dl film: “Langkofel” (por todësch cun sottitui por talian) cun Reinhold Messner

-Program por mituns-

14:00 Laboratore “pitores e colores”: l’ert popolara dla Val de Fascia (Daniela Brovadan & Martina Chiocchetti – Istitut Cultural Ladin Majon di Fascegn)

16:00 Musiga y jüc fora dl liber: “Jun a cianté!/Vieni a cantare!/Lasset uns singen!” (Silvia Liotto & Clown Sälly – Istitut Ladin Micurá de Rü)

17:00 Letöra por mituns fora dl liber: “Pinocchio” (Silvia Liotto – Istitut Ladin Micurá de Rü)